തിരുവനന്തപുരം: ഡിസംബര്‍ മിഴിതുറന്നു. മുറ്റത്തു വര്‍ണപ്രകാശം നിറയ്ക്കാന്‍ വീട്ടുകാര്‍ നക്ഷത്രം വാങ്ങാനിറങ്ങിയതോടെ ക്രിസ്മസ് വിപണി ഉണരുകയായി. ഭൂരിഭാഗം കച്ചവടക്കാരും സാധനങ്ങള്‍ സ്റ്റോക്കുചെയ്യുന്ന തിരക്കിലാണിപ്പോള്‍. ഒരാഴ്ച കഴിഞ്ഞാല്‍ നക്ഷത്രം, വസ്ത്രം, ഗൃഹോപകരണങ്ങള്‍, കേക്ക്, ക്രിസ്മസ് കാര്‍ഡ് എന്നുവേണ്ട സര്‍വത്ര സാധനങ്ങളുടെയും വിപണി സജീവമാകും. വീട്ടുമുറ്റങ്ങളില്‍ നക്ഷത്രങ്ങള്‍ ഇപ്പൊഴേ സ്ഥാനംപിടിച്ചു കഴിഞ്ഞു. ദിവസങ്ങള്‍ കഴിയുന്നതോടെ വില്‍പ്പന ഇരട്ടിയാവുമെന്നാണു കച്ചവടക്കാര്‍ കണക്കുകൂട്ടുന്നത്.
വിപണിയില്‍ കഴിഞ്ഞ കൊല്ലം താരമായിരുന്ന യന്തിരന് ഇപ്പോഴും ഡിമാന്‍ഡാണത്രേ. മായാവിയുടെ കയ്യിലെ മാന്ത്രിക വടിപോലാണു യന്തിരന്റെ ആകൃതി. സിനിമാപേരിലും നക്ഷത്രങ്ങള്‍ വിപണയില്‍ എത്തിക്കഴിഞ്ഞു. റാ-വണ്‍, ഏഴാം അറിവ്, മാണിക്യകല്ല്, സ്നേഹവീട്, ഡോ ലവ് തുടങ്ങിയ പേരില്‍ നക്ഷത്രങ്ങള്‍ വിപണി പിടിക്കാന്‍ യാത്രതുടങ്ങി.ഒരാഴ്ച കൂടി കഴിയുന്നതോടെ വസ്ത്ര വിപണി ചൂടാവും എന്നാണു പ്രതീക്ഷ. അതേസമയം പ്രമുഖ വസ്ത്ര സ്ഥാപനങ്ങളിലൊന്നും ഇപ്പോഴും നിന്നുതിരിയാന്‍ ഇടമില്ലാത്ത തരത്തില്‍ തിരക്കാണ്.
ലക്ഷങ്ങള്‍ മറിയുന്ന കേക്ക് വിപണിയും ഉണരുന്നതു 15ന് ശേഷമാവും. കേക്ക് നിര്‍മിക്കുന്ന അസംസ്കൃത വസ്തുക്കള്‍ക്കിപ്പോള്‍ തീവിലയെന്നാണു കേക്ക് നിര്‍മാതാക്കള്‍ പറയുന്നത്. ഇതു കേക്കിന്റെ വിലയെയും ബാധിക്കുമെന്നാണു സൂചന.ക്രിസ്മസിനു വിലക്കയറ്റം പിടിച്ചുനിര്‍ത്തുന്നതിന്റെ ഭാഗമായി കണ്‍സ്യൂമര്‍ ഫെഡ് 'ക്രിസ്മസ് വിപണിക്കു തുടക്കം കുറിച്ചിട്ടുണ്ട്. ജില്ലയില്‍ മുക്കിലും മൂലയിലും ഇതു തുറന്നിട്ടുണ്ട്. പച്ചക്കറിയും പലവ്യജ്ഞനങ്ങളും വിലക്കുറവില്‍ ഇതുവഴി ലഭിക്കും. അതേസമയം മറ്റ് ഉല്‍പനങ്ങള്‍ക്കു താരതമ്യന അല്‍പം വില വര്‍ധിക്കാനാണു സാധ്യത.
പി.എന്‍. സുരേഷ് / (വൈസ്ചാന്‍സലര്‍, കേരള കലാമണ്ഡലം, എക്സിക്യൂട്ടീവ് ഡയറക്ടര്‍ ആറന്മുള വാസ്തുവിദ്യാ ഗുരുകുലം)
സ്നേഹത്തിലൂടെയും സഹനത്തിലൂടെയും ലോകത്തിനു പ്രകാശം പരത്തിയ ദൈവപുത്രനായ ക്രിസ്തുവിന്റെ ജന്മദിന സ്മരണയാണല്ലോ ക്രിസ്മസ്. പാപികളുടെ പാപം സ്വയം ഏറ്റെടുത്ത ഇതിഹാസപുരുഷന്‍ എന്നതിനൊപ്പം യഥാര്‍ഥ മനുഷ്യനായിരുന്നു ക്രിസ്തു. മനുഷ്യത്വമുള്ള മനുഷ്യരാകുകയെന്നതാണു ക്രിസ്മസ് ആധുനിക ലോകത്തിനു നല്കുന്ന സന്ദേശം. മനുഷ്യനായി അറിയപ്പെടാന്‍ ഇന്ന് ആരും ആഗ്രഹിക്കുന്നില്ല. പദവികളും സമൂഹത്തിലെ സ്ഥാനങ്ങളുമാണ് പലരുടെയും മുഖമുദ്ര. ഔപചാരികതയ്ക്കുവേണ്ടി ഇതാകാമെങ്കിലും മനുഷ്യനെന്ന സ്ഥായി ഭാവം നഷ്ടപ്പെടാനാകില്ല.
ക്രിസ്തു ദൈവപുത്രനായിരുന്നതിനൊപ്പം മനുഷ്യപുത്രനുമായിരുന്നു. മനുഷ്യനായി ജീവിച്ച ഉത്തമനായ ദൈവപുത്രന്‍ എന്നതാണു ക്രിസ്തുവിന്റെ ജീവിതം നല്കുന്ന തത്ത്വസംഹിത. ക്രിസ്തുവിന്റെ തിരുനാള്‍ ആഘോഷിക്കുമ്പോഴും ക്രിസ്തുമത ത്തില്‍ ആകൃഷ്ടരാകുമ്പോഴും മനുഷ്യത്വം ഉള്ളവരാകാനുള്ള സന്ദേശമാണു നമുക്കു ലഭിക്കേണ്ടത്. അയല്‍ക്കാരനെ സ്നേഹിക്കാനും മറ്റുള്ളവരുടെ വേദനകള്‍ മനസിലാക്കാനും മാപ്പുകൊടുക്കാനും കഴിയേണ്ടവനാണു മനുഷ്യന്‍. ക്രിസ്തുവിന്റെ മാനുഷിക സ്വഭാവത്തിലാണ് ഇതൊക്കെയും സാധ്യമായത്. ഉപഭോഗസംസ്കാരത്തിന്റെ പിടിയിലകപ്പെട്ട ആധുനിക ലോകത്ത് മനുഷ്യപുത്രന്മാര്‍ ഇല്ലാതായിരിക്കുന്നു. ഇതിലൂടെ ആഘോഷങ്ങള്‍ക്കും അപചയം ഉണ്ടായി. ക്രിസ്മസും ഇതേവഴിയിലാണോ എന്നു സംശയിക്കേണ്ടിയിരിക്കുന്നു.
ആഘോഷങ്ങള്‍ അതിന് അടിസ്ഥാനമായ മൌലികമായ വിഷയങ്ങള്‍ കൂടുതല്‍ ചൈതന്യധന്യമായി ഉള്‍ക്കൊള്ളുകയും അടുത്ത തലമുറയ്ക്കു സചേതനമായി കൈമാറുകയും ചെയ്യാനുള്ളതാണ്. നിര്‍ഭാഗ്യവശാല്‍, ഇന്ന് ആഘോഷങ്ങളൊക്കെയും പൊരുളറിയാതെ ആഘോഷിച്ച് ഗോഷ്ടികളായി മാറുന്നു. ഒരു മാനവരാശിയുടെ ബൌദ്ധികമണ്ഡലത്തെ ശുദ്ധീകരിച്ച ക്രിസ്മസ് നാം കൊണ്ടാടുമ്പോള്‍ അതു സ്ഥിരബുദ്ധിയോടെ ആയിരിക്കണം. നമ്മുടെ പല ആഘോഷങ്ങളും മലയാളികള്‍ ബോധരഹിതമായാണ് ആഘോഷിക്കുന്നതെന്ന് കേരളത്തിലെ ഒരു പ്രമുഖ പൊതുമേഖലാ സ്ഥാപനം അവരുടെ റിക്കോര്‍ഡ് വില്പനയിലൂടെ പ്രബുദ്ധകേരളത്തെ അറിയിക്കാറുണ്ട്. ഇത് ആഘോഷങ്ങളോടുള്ള നിന്ദയാണ്. ആഘോഷങ്ങള്‍ പൊരുളറിഞ്ഞ് ആഘോഷിക്കാന്‍ ഈ ക്രിസ്മസ് കാലയളവ് ഉപകരിക്കട്ടെ എന്ന് ആശംസിക്കുന്നു.
Thiruvananthapuram is also called Trivandrum. It is the capital city Kerala State. The city was the capital of the Travancore state before the independence. One of the other major landmarks in the district is the Government Secretariat.
Profile
Area: 2192 sq km , Population: 3,234,356, Literacy:90.38%
The major lakes are Veli, Kadinamkulam, Anchuthengu(Anjengo), Kaappil, Akathumuri ,Edava-Nadayara, Vellayani
Major Educational Institutions
Kerala university, Trivandrum Medical College, College of Engineering Trivandrum
Tourist Places
Kovalam, Akkulam, Veli lagoon, Shanghumukham beach, Museum and Zoo, Agasthyarkoodam, Ponmudi, Neyyar Dam, Varkala Papanasham beach, Padmanabhapuram (in Kanyakumari district)
Travel
Air: Thiruvananthapuram International Air Port Rail: The main railway station in Trivandrum Central. Click on station name for railway time table. Road: N.H.47 : Parassala to Navaikulam (80km) MC Road: Kesavadaspuram, Vembayam, Venjaramoodu, Kilimanoor, Nilamel
