 പാലക്കാട്: മുല്ലപ്പെരിയാര്‍ പ്രശ്നത്തില് പത്തു ദിവസത്തിനകം പരിഹാരം കാണണമെന്ന് ധനമന്ത്രി കെ എം മാണി. അല്ലാത്തപക്ഷം കേരള കോണ്‍ഗ്രസ് എം രണ്ടാം ഘട്ട സമരം ആരംഭിക്കുമെന്നും അദ്ദേഹം മുന്നറിയിപ്പ് നല്‍കി. സമരത്തിന്‍റെ രൂപഭാവങ്ങള്‍ മാറും.
പുതിയ അണക്കെട്ടെന്ന വാദത്തില്‍ നിന്നും ഒരടി പിന്നോട്ടില്ലെന്ന് മാണി വ്യക്തമാക്കി. തമിഴ്‌നാട്ടിലും കേരളത്തിലും രാഷ്‌ട്രീയ കക്ഷികള്‍ വ്യത്യസ്ത നിലപാട് സ്വീകരിക്കുന്നത് ശരിയല്ല. കോടതിക്ക് പുറത്ത് പ്രശ്‌ന പരിഹാരത്തിന്‌ പ്രധാനമന്ത്രി ഇടപെടണമെന്നും അദ്ദേഹം ആവശ്യപ്പെട്ടു.
മുല്ലപ്പെരിയാര്‍ പ്രശ്‌നം പരിഹരിക്കാന്‍ മാണി അന്ത്യശാസനം നല്‍കണമെന്ന്‌ പ്രതിപക്ഷ ഉപനേതാവ് കോടിയേരി ബാലകൃഷ്‌ണന്‍ കഴിഞ്ഞ് ദിവസം ആവശ്യപ്പെട്ടിരുന്നു.
|
Showing posts with label Asianet. Show all posts
Showing posts with label Asianet. Show all posts
Monday, 12 December 2011
മാണിയുടെ സമരപ്രഖ്യാപനം
സംസ്ഥാനങ്ങള്‍ തമ്മിലുള്ള പ്രശ്‌നമായി ചിത്രീകരിക്കുന്നു
 പത്തനംത്തിട്ട: മുല്ലപ്പെരിയാര്‍ പ്രശ്‌നം കേരളവും തമിഴ്‌നാടും തമ്മിലുള്ള പ്രശ്‌നമായി ചിത്രീകരിക്കാനാണ്‌ ചില തത്പര കക്ഷികള്‍ ശ്രമിക്കുന്നതെന്ന് മുഖ്യമന്ത്രി ഉമ്മന്‍ചാണ്ടി. പത്തനംതിട്ടയില്‍ ജനസമ്പര്‍ക്ക പരിപാടിയില്‍ പ്രസംഗിക്കുകയായിരുന്നു അദ്ദേഹം.
തമിഴ്നാടിന്‌ ജലം നല്‍കണമെന്ന കാര്യത്തില്‍ കേരള ജനതയും രാഷ്‌ട്രീയ കക്ഷികളും ഒറ്റകെട്ടാണ്‌. വളരെ ഉയര്‍ന്ന ഒരു സമീപനമാണ്‌ ഇക്കാര്യത്തില്‍ കേരളം സ്വീകരിച്ചിട്ടുള്ളത്‌. പ്രകോപനങ്ങള്‍ ഏറെ ഉണ്ടായിട്ടും തികഞ്ഞ സംയമനമാണ്‌ കേരള ജനതയും സര്‍ക്കാരും സ്വീകരിച്ചിട്ടുള്ളതെന്നും മുഖ്യമന്ത്രി ചൂണ്ടിക്കാട്ടി.
|
ഇടുക്കി തമിഴ്‌നാടിനോട് ചേര്‍ക്കണം
 ദില്ലി: ഇടുക്കിയെ തമിഴ്‌നാടിനോട് ചേര്ക്കണമെന്ന് തമിഴ്‌നാട്ടില്‍ നിന്നുള്ള കോന്‍ഗ്രസ് എം പിമാര്‍. പ്രധാനമന്ത്രി ഡോ മന്‍മോഹന്‍ സിംഗിനെ കണ്ടാണ്‌ ഇവര്‍ ഈ ആവശ്യം മുന്നോട്ടു വച്ചത്. ഇതിനായി ജനഹിത പരിശോധന നടത്തണമെന്നും കോണ്‍ഗ്രസ് എം പിമാര്‍ ആവശ്യപ്പെട്ടു.
മുല്ലപ്പെരിയാര്‍ പ്രശ്നത്തില് കേരളം നാടകം കളിക്കുകയാണെന്ന് ഡി എം കെ അധ്യക്ഷന്‍ എം കരുണാനിധി കുറ്റപ്പെടുത്തി. മുജ്ല്ലപ്പെരിയാര്‍ പ്രശ്നത്തില് കേന്ദ്ര സര്‍ക്കാര്‍ മൂകസാക്ഷിയായി മാറരുതെന്ന്‌ അദ്ദേഹം ആവശ്യപ്പെട്ടു. തമിഴ്‌നാടിനെ മരുഭൂമിയാക്കി മാറ്റാനാണ്‌ കേരളത്തിന്‍റെ ശ്രമമെന്നും കരുണാനിധി ആരോപിച്ചു.
|
പരിശോധന ഒരാഴ്ചക്കുള്ളില്‍
 ദില്ലി: മുല്ലപ്പെരിയാര്‍ അണക്കെട്ടിന്‍റെ ബലക്ഷയം പരിശോധിക്കാനുള്ള പരിശോധന ഒരാഴ്ചക്കകം തുടങ്ങും. സുപ്രീം കോടതി നിയോഗിച്ച ഉന്നതാധികാര സമിതിയുടെ നിര്‍ദ്ദേശപ്രകാരമാണ്‌ ഡാം തുരന്നുള്ള പരിശോധന നടത്തുന്നത്‌. പൂനെയിലെ ഡാപോഡി വര്‍ക്ക് ഷോപ്പാണ്‌ സാമ്പിളുകള്‍ ശേഖരിക്കുന്നത്.
പരിശോധനക്കുള്ള ഉപകരണങ്ങള്‍ ഉടന്‍ തന്നെ മുല്ലപ്പെരിയാറില്‍ എത്തും. പരിശോധനയുടെ ചെലവ് വഹിക്കുന്നത് തമിഴ്നാടാണ്‌. മൂന്നു കോടിയോളം രൂപ ചെലവു വരുമെന്നാണ്‌ ഉന്നതാധികാരസമിതി വൃത്തങ്ങള്‍ നല്‍കുന്ന സൂചന. ഒമ്പത് ഇടങ്ങളില്‍ നിന്നായി 15 സെന്‍റിമീറ്റര്‍ വ്യാസത്തില്‍ വജ്രാകൃതിയിലുള്ള സാമ്പിളുകളാണ്‌ ശേഖരിക്കുക.
സെന്‍റര്‍ ഫോര്‍ സോയില്‍ ആന്ഡ് മെറ്റീരിയല്‍സ് റിസര്‍ച്ചിലാണ്‌ സാമ്പിളുകളുടെ പരിശോധന നടത്തുക. 170 അടിയോളം ആഴത്തില്‍
തുരന്നാകും സാമ്പിളുകള്‍ ശെഖരിക്കുക. ഒരു സ്ഥലം തുരക്കാന്‍ ഒരു മാസമെങ്കിലും വേണ്ടിവരുമെന്നിരിക്കെ ഈ പഠനത്തിന്‍റെ റിപ്പോര്‍ട്ട് ഉന്നതാധികാര സമിതിക്ക് എത്രത്തോളം പ്രയോജനപ്പെടുമെന്നത് സംശയമാണ്‌. സമിതിയുടെ റിപ്പോര്‍ട്ട് അടുത്ത മാസം സുപ്രീംകോടതിയില്‍ സമര്‍പ്പിക്കണം. |
Tuesday, 6 December 2011
മുല്ലപ്പെരിയാര്‍ പ്രശ്നത്തില് കേരളം ഒറ്റക്കെട്ട്: മുഖ്യമന്ത്രി
മുല്ലപ്പെരിയാര്‍ പ്രശ്നത്തില് കേരളം ഒറ്റക്കെട്ടാണെന്ന് മുഖ്യമന്ത്രി ഉമ്മന്‍ ചാണ്ടി പറഞ്ഞു. സര്‍വകക്ഷിയോഗത്തിനുശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം. ചര്‍ച്ചയ്ക്ക് തയാറായ തമിഴ്നാടിന്റെ നിലപാടിനെ സര്‍വകക്ഷിയോഗം സ്വാഗതം ചെയ്തു. വെള്ളം കൊടുക്കുന്നത് സംബന്ധിച്ച് തമിഴ്നാടിനുള്ള എല്ലാ ആശങ്കകളും നീക്കും. ഒരു വിധത്തിലുള്ള സംഘര്‍ഷവും ഉണ്ടാകരുതെന്നും ആത്മസംയമനം പാലിക്കണമെന്നും സര്‍വകക്ഷിയോഗം അംഗീകരിച്ച പ്രമേയം ആവശ്യപ്പെട്ടു. അതിര്‍ത്തിയില്‍ അക്രമം നടത്തുന്നവരെ കര്‍ശനമായി നേരിടണമെന്നും സര്‍വകക്ഷിയോഗം ആവശ്യപ്പെട്ടു. ഹൈക്കോടതിയില്‍ എ.ജിയുടെ നിലപാട് പരിശോധിച്ച് നടപടിയെടുക്കുമെന്ന് സര്‍വകക്ഷിയോഗത്തിന് മുഖ്യമന്ത്രി ഉറപ്പുനല്‍കി.
Tuesday, 29 November 2011
നിയമസഭ ഡിസംബര്‍ ആദ്യവാരം
 തിരുവനന്തപുരം: മുല്ലപ്പെരിയാര്‍ വിഷയം ചര്‍ച്ച ചെയ്യാന്‍ നിയമസഭയുടെ അടിയന്തര സമ്മേളനം ഡിസംബര്‍ ആദ്യവാരം വിളിച്ചു ചേര്‍ക്കും. മുല്ലപ്പെരിയാറില്‍ പുതിയ അണക്കെട്ട് നിര്‍മ്മിക്കണമെന്ന് ആവശ്യപ്പെട്ട് പ്രമേയം പാസാക്കുകയാണ്‌ സമ്മേളനത്തിന്‍റെ ലക്ഷ്യം. പ്രമേയം പാസാക്കി ഉടന്‍ തന്നെ കേന്ദ്രത്തിന്‌ സമര്‍പ്പിക്കും.
നാളെ നടക്കുന്ന മന്ത്രിസഭ യോഗം സമ്മേളന തിയതി സംബന്ധിച്ച തീരുമാനം കൈകൊള്ളും. കഴിയുമെങ്കില്‍ ഡിസംബര്‍ രണ്ടിന്‌ നിയമസഭ ചേര്‍ന്ന് പ്രമേയം പാസാക്കി ഡിസംബര്‍ അഞ്ചിനകം കേന്ദ്രത്തിന്‌ സമര്‍പ്പിക്കാനാണ്‌ നീക്കം.
പുതിയ അണക്കെട്ട് വേണമെന്ന പ്രമേയം പാസാക്കാന്‍ അടിയന്തര നിയമസഭ യോഗം വിളിച്ചു ചേര്ക്കണമെന്ന് ഇടതുമുന്നണി ആവശ്യപ്പെട്ടിരുന്നു.
|
